بسم الله الرحمن الرحيم
دي فكره فكرت فيها وأنا في الإمتحانات
بس قلت أنزلها لما أخلص إمتحانات
والحمد لله خلصت إمتحانات وربنا ينجحنا كلنا يارب
.
التوبيك ده أنا حاسس إنه هيبقي علامه في تامر لوفرز
.
الحب عباره عن توبيك توبيك من توبيكات المنتدى
( المنتدى إللي هي الحياه )الحكايه عباره عن طرف من الطرفين هو إللي بيعمل التوبيك
( يعني طرف بيحس بطرف تاني )أو ممكن نقول بيعجب بفكره فا بيبتدي يكون فكره عن التوبيك ده وهيكتب فيه إيه وكده ...
( طرف بدأ يعجب بالطرف التاني وبدأ يجمع معلومات عنه ويتعرف عليه )بعد كده الطرف التاني بيعجب بفكرة التوبيك فا بيشارك الطرف الأول في الفكره
( الطرف التاني حس بإعجاب الطرف الأول فا إعجب بيه هو كمان )وبيبقي عضو مينفعش التوبيك ده يستغني عنه عشان أهمية تواجده فيه
والتوبيك بيبتدي يعمل نجاح بسيط في الأول فا بيتثبت
( الإعجاب إتحول لإرتياح مثلاً أو حب ) وبتيجي ردود كتير علي الفكره والناس بتتفاعل مع الفكره
فا بكده الفكره دي هتفضل دايماً نشيطه وموجوده
الردود دي هي إللي بتنشط التوبيك
( الردود دي عباره عن الكلام الجميل إللي بين الطرفين إللي بيزود الحب )وعشان التوبيك كل شويه بيبقي عليه ردود عليه والتوبيك فعال في المنتدي
( المنتدى إللي هي الحياه )بيفضل التوبيك متثبت
( بيفضل الحب عايش )والأيام بتعدي علي التوبيك وهو لسه مثبت
وبتمر أجمل أيام في التوبيك ده
( أجمل أيام في حياة الطرفين )طبعاً بتحصل خلافات في التوبيك بين كل فتره وفتره
( إللي هي المشاكل في الحب )وبتتحل ويرجع التوبيك زي ما هو وأقوي كمان
وبيتم حذف الردود إللي فيها مشاكل
( الطرفين بينسوا المشاكل دي )وتمر الأيام علي التوبيك وهو لسه مثبت
لحد ما يحصل مشاكل كتير في التوبيك
مش شرط المشاكل تبقي بين الطرفين أصحاب التوبيكساعات الناس إللي بتشارك في التوبيك بتبقي السبب
( الناس إللي معانا في الحياه )ومن كتر المشاكل إللي في التوبيك ومش عايزه تتحل
التوبيك بيتقفل ( الحب بينتهي )ممكن برضه التوبيك ده يحصل ليه حاجه تانيهبسبب إن طرف من الطرفين أصحاب التوبيك
خلاص زهق من التوبيك ومش عايز يكمل فيه
أي أعذار بقي سواء أعذار قويه أو ضعيفه
المهم إن التوبيك خلاص كده واحد بس إللي هيكمل فيه
( يعني في طرف من الطرفين الحب عنده
قل أو راح مثلاً ومبقاش عايز يكمل الموضوع )فا لما التوبيك بقي فيه واحد بس الواحد ده مش بيقدر يكمله لوحده
بيبقي محتاج الطرف التاني عشان هما إبتدوا التوبيك ده مع بعض
فا طبعاً التوبيك شعبيته بتقل
( الحب عمال يقل )والردود بتقل
( مفيش كلام حلو بيتقال خلاص )وبينزل من التثبيت
بس التوبيك مش هيتقفل المره دي لإن مكنش فيه مشاكلهو الحكايه إن طرف من الطرفين إللي كانوا ماسكين التوبيك
مبقاش عايز يكمل في التوبيك خلاص
ممكن تقولوا زهق بقي
أوشاف توبيك تاني فكرته أحسن
( حس بإنسان تاني )أو شاف إن التوبيك بقي ممل
أو مبقاش عايز يكمل فيه خلاص
فا الطبيعي إن التوبيك هيرجع الصفحات اللي ورا
وهتبتدي الردود تنعدم
( الحب عمال يقل )لحد ما خلاص يبقي التوبيك بيفوت عليه شهور وشهور
ويمكن سنين ويبقي
ذكريات في الصفحات اللي ورا
( الحب ينتهي )
الرئيسية 
